Дастин Порье: \"Конор Макгрегор ҳақиқий жангчи\"
UFC'нинг собиқ вақтинчалик енгил вазн чемпиони Дастин Порье ирландиялик жангчи Конор Макгрегор ҳақида илиқ фикр билдирар экан, уни ҳақиқий жангчи деб атади.
Порьенинг таъкидлашича, октагондаги кескин рақобатга қарамай, у Макгрегорга доимо ҳурмат билан қарайди.
"Конор — ҳақиқий жангчи. Биз октагонда уч марта тўқнаш келганмиз ва орамизда жиддий рақобат бўлган. Лекин мен унинг жангчи сифатидаги фазилатларини доимо ҳурмат қиламан", — деди Порье.
Эслатиб ўтамиз, Порье ва Макгрегор UFC'да уч марта ўзаро жанг қилган. Биринчи баҳсда ғалаба Макгрегор томонида бўлган бўлса, кейинги икки тўқнашувда Порье рақибидан устун келган. Уларнинг сўнгги жанги UFC 264 турнирида Макгрегорнинг оёғи синиб қолиши сабаб биринчи раунд якунида техник нокаут билан якунланган.
