Даниил Ейбог 1500 метр масофадаги баҳсларни 14-ўринда якунлади

Шорт-трекчимиз Даниил Ейбог 1500 метр масофада ўтказилган чорак финал босқичидан муваффақиятли ўтди. Ҳамюртимиз ўз гуруҳида 2:16.963 вақт билан 3-бўлиб финишга етди ва ярим финалга йўл олди.

Даниил Ейбог “B” финалида қатнашади

Шорт-трекчимиз ярим финалдаги чиқишини якунлади. Ейбог ўз гуруҳида аниқ 2 дақиқа 18 сонияда 3-бўлиб финишга етди.

Афсуски, бу натижа “A” финалига йўлланма олиш учун етарли бўлмади. Эндиликда у “B” финалида 10–16-ўринлар учун кураш олиб боради.

Ҳамюртимиз Даниил Ейбог 1500 метр масофадаги чиқишини тугатди. “B” финалида қатнашган Ейбог маррага 5-бўлиб етди.

Ушбу натижа билан у мазкур масофадаги чиқишини 14-поғонада якунлади.

Иброҳим Жалолов

Редактор

0 0 0 0 0 0