Чарлз Оливейра Жастин Гейжи билан эҳтимолий жанг ҳақида фикр билдирди
Улар илк бор 2022-йилда тўқнаш келишганди.
Бошқа спорт турлари
Sports24.uz'ни Google'га қўшиш
ФОТО: Getty Images
UFC’нинг собиқ енгил вазн чемпиони Чарлз Оливейра америкалик жангчи Жастин Гейжига қарши эҳтимолий реванш жангига тайёр эканини маълум қилди.
Бразилиялик спортчи бу қарама-қаршилик катта қизиқиш уйғотишини ва UFC учун муҳим жанглардан бирига айланиши мумкинлигини таъкидлади. У керак бўлса, ушбу жанг учун кутиришга ҳам тайёр эканини билдирди.
“Бу мухлислар кўришни истайдиган жанг. Мен тайёрман ва қўнғироқ бўлишини кутяпман,” — деди Оливейра.
Эслатиб ўтамиз, Оливейра ва Гейжи илк бор 2022-йилда UFC 274 турнирида тўқнаш келган ва ўшанда бразилиялик жангчи биринчи раунддаёқ ғалаба қозонган эди. Ҳозирча UFC томонидан ушбу жанг юзасидан расмий қарор эълон қилинмаган.
Насрулло Каримов
Журналист