Charlz Oliveyra Jastin Geyji bilan ehtimoliy jang haqida fikr bildirdi

UFC’ning sobiq yengil vazn chempioni Charlz Oliveyra amerikalik jangchi Jastin Geyjiga qarshi ehtimoliy revansh jangiga tayyor ekanini ma’lum qildi.

Braziliyalik sportchi bu qarama-qarshilik katta qiziqish uyg‘otishini va UFC uchun muhim janglardan biriga aylanishi mumkinligini ta’kidladi. U kerak bo‘lsa, ushbu jang uchun kutishga ham tayyor ekanini bildirdi.

“Bu muxlislar ko‘rishni istayotgan jang. Men tayyorman va qo‘ng‘iroq bo‘lishini kutyapman,” — dedi Oliveyra.

Eslatib o‘tamiz, Oliveyra va Geyji ilk bor 2022-yilda UFC 274 turnirida to‘qnash kelgan va o‘shanda braziliyalik jangchi birinchi raunddayoq g‘alaba qozongan edi. Hozircha UFC tomonidan ushbu jang yuzasidan rasmiy qaror e’lon qilinmagan.

Nasrullo Karimov

Jurnalist

0 0 0 0 0 0