Чарльз Оливейра Макгрегор – Холлоуэй жанги фаворити кимлигини айтди
UFC'нинг собиқ енгил вазн чемпиони Чарльз Оливейра Конор Макгрегор ва Макс Холлоуэй ўртасидаги бўлажак жанг ҳақида фикр билдириб, фаворит ким эканини айтди.
Оливейранинг фикрича, жангнинг тақдири илк раундда ҳал бўлиши мумкин. Агар Макгрегор жанг бошида рақибини нокаут қила олмаса ёки яққол устунлик намоён этмаса, кейинги раундларда устунлик Макс Холлоуэй томонига ўтади.
«Биринчи раунд кўп нарсани ҳал қилади. Макс сўнгги жангларида беш раундлик баҳсларга ўрганиб қолган. Конор эса узоқ вақт октагонга чиқмаган. Агар у илк раундда нокаут қайд этмаса ёки катта устунликка эришмаса, кейинги раундларда имконият Макс томонда бўлади», — деди Оливейра.
Эслатиб ўтамиз, Конор Макгрегор ва Макс Холлоуэй ўртасидаги реванш жанги 11-июл куни UFC 329 турнирининг марказий баҳси сифатида бўлиб ўтади.