Бутунжаҳон Кураш кунига бағишланган халқаро акцияга старт берилди
Бутунжаҳон Кураш кунига бағишланган халқаро акцияга старт берилди
Халқаро Кураш Ассоциацияси томонидан 6-сентябрь – Бутунжаҳон Кураш куни ҳамда ИКА ташкил этилганининг 28 йиллиги муносабати билан дунёнинг барча миллий федерациялари ва Кураш ташкилотларига мурожаат йўлланди.
Унга кўра, федерациялар ва Кураш клублари махсус байрам баннери фонида сурат ва видеолар тайёрлаб, уларни ИКАга тақдим этадилар. Шунингдек, Бутунжаҳон Кураш куни арафасида ва байрам куни ушбу материаллар ижтимоий тармоқларда Халқаро Кураш Ассоциациясининг расмий саҳифалари белгиланган ҳолда эълон қилинади.
Мазкур ташаббус дунё Кураш ҳамжамиятини ягона байрам атрофида бирлаштириш, спортнинг халқаро бирдамлик ва дўстлик қадриятларини тарғиб этишга хизмат қилади.
Акцияда Осиё, Европа, Африка ҳамда Америка қитъаларидаги мамлакатлар миллий федерациялари, Курашчилари, мураббийлари ва спорт жамоалари фаол иштирок этади.
Келинг, Бутунжаҳон Кураш кунини биргаликда нишонлаймиз!
