Брэд Таварес UFC’ни тарк этди: ўрта вазндаги спортчи 15 йилдан сўнг промоушен билан хайрлашди
АҚШлик тажрибали жангчи Брэд Таварес UFC билан шартномасини янгиламади ва расман лигани тарк этди. Бу ҳақда MMA Fighting манбаси промоушен вакилларига таяниб хабар берди.
Шу билан 36 ёшли спортчи 15 йил ичида илк бор UFC ростерида қолмади. Энди у эркин агент ҳисобланади ва бошқа ташкилотлардан таклифларни кўриб чиқиши мумкин. Бироқ, келажакда UFC’га қайтиши ҳам истисно қилинмаяпти — бу Тавареснинг шахсий режалари ва лиганинг қизиқишига боғлиқ бўлади.
Брэд Таварес 2010 йилда The Ultimate Fighter реалити-шоусида иштирок этгандан сўнг UFC’да дебют қилган. У лига доирасида 25 та жанг ўтказиб, 21 та ғалаба ва 10 мағлубият қайд этган. Таварес кўп маротаба кучли 15лик спортчиларга қарши жанг қилган ва рақибларга жиддий қаршилик кўрсата оладиган техник ва барқарор жангчи сифатида эътироф этилган.
Унинг охирги жанги 2023 йил июлида бўлиб ўтган — унда у кореялик Жун Ён Паркка очколар бўйича ютқазган.
