Богдан Гусковнинг мураббийи Криловга қарши жанг бўйича ўз фикрини билдирди
UFC жангчиси Богдан Гусковнинг мураббийи Григорий Арустамян шогирдининг 26 июл куни Абу-Дабида украиналик Никита Криловга қарши кечадиган жанг олдидан тайёргарлиги ва кутилмалар ҳақида гапирди.
– Богданнинг тайёргарлиги қандай кечмоқда?
– У аввалданёқ яхши спорт формасида эди. Ҳозир эса жанггача бўлган тайёргарлик жараёнини олиб боряпмиз. Асосий эътиборни тезкорлик ва чидамлиликка қаратяпмиз — бу жангда энг муҳим омиллар, — деди мураббий.– Жанг натижаси борасида қандай тахминга эгасиз?
– Биз фақат ғалаба ҳақида ўйлаяпмиз. Машғулотлар ҳам айнан шу мақсадга қаратилган. Бошқача бўлиши мумкин эмас.– Гусев қандай тарзда ғалаба қозонади деб ўйлайсиз: жанг тўлиқ давом этадими ёки финиш кутяпсизми?
– Буни олдиндан аниқ айтиш қийин. Спорт — бу кутилмаган воқеалар майдони. Ҳозир ҳар нарсани гапириш мумкин, аммо биз аниқ биламизки, Богдан жангга тайёр. Унинг қандай ғалаба қозонишини эса октагонда кўрамиз, — дея таъкидлади Арустамян Olamsport.com мухбири Азиз Тўхтамуродов билан суҳбатда.
