Bogdan Guskovning murabbiyi Krylovga qarshi jang bo‘yicha o‘z fikrini bildirdi

Boshqa sport turlari 05 iyn 2025 da 03:03

Bakradze Iman

Redaktor

UFC jangchisi Bogdan Guskovning murabbiyi Grigoriy Arustamyan shogirdining 26 iyul kuni Abu-Dabida ukrainalik Nikita Krylovga qarshi kechadigan jang oldidan tayyorgarligi va kutilyotgan natijalar haqida gapirdi.

– Bogdanning tayyorgarligi qanday kechmoqda?
– U avvaldan yaxshi sport formasida edi. Hozir esa janggacha bo‘lgan tayyorgarlik jarayonini olib boryapmiz. Asosiy e’tiborimizni tezkorlik va chidamlilikka qaratyapmiz — bu jangda eng muhim omillar, — dedi murabbiy.

– Jang natijasi borasida qanday taxminingiz bor?
– Biz faqat g‘alaba haqida o‘ylayapmiz. Mashg‘ulotlar ham aynan shu maqsadga yo‘naltirilgan. Boshqacha bo‘lishi mumkin emas.

– Guskov qanday tarzda g‘alaba qozonadi deb o‘ylaysiz: jang to‘liq davom etadimi yoki finish kutyapsizmi?
– Buni oldindan aniq aytish qiyin. Sport — bu kutilmagan voqealar maydoni. Hozir har narsani gapirish mumkin, ammo biz aniq bilamizki, Bogdan jangga tayyor. Uning qanday g‘alaba qozonishini esa oktagonda ko‘ramiz, — deya ta’kidladi Arustamyan Olamsport.com muxbiri Aziz To‘xtamurodov bilan suhbatda.