Богдан Гусков: Перейра ва Анкалаев ўртасидаги реваншда интрига кўрмаяпман
Ярим оғир вазн тоифасидаги ўзбекистонлик UFC жангчиси Богдан Гусков чемпион Магомед Анкалаев ва собиқ чемпион Алекс Перейра ўртасидаги эҳтимолий реванш жанг ҳақида ўз фикрларини билдирди.
“Алекс Перейра ва Анкалаев ўртасидаги реванш жангда ҳеч қандай интрига кўрмаяпман. Буни Перейранинг ўзи ҳам тушуниб турибди. UFC Рамазон ойида Анкалаев учун ноқулай шароит яратди, унга босим бўлди. Аммо Магомед барибир яхши жанг кўрсатди.
Перейра эса ҳар қандай собиқ чемпион каби эҳтиёткорлик билан ҳаракат қилмоқда — у Анкалаевга қарши яна жанг қилишни хоҳламаяпти. Менимча, Магомеднинг олдидаги ягона йўл — оғир вазнга ўтиш. Ярим оғир вазнда унга тенг рақиб қолмаган. Балки янги жангчиларни топиш, янгилари билан шартнома тузиш вақти келгандир.
Реванш жангда Анкалаевнинг устунлиги янада яққол кўринади. Шуни ҳам таъкидлаш керакки, Магомед реванш тўқнашувларида ҳар доим ўзини кучлироқ кўрсатмоқда”, — дейди Гусков.
