Богдан Гусков илк бор Никита Крилов билан бўладиган жанг ҳақида фикр билдирди
Яримоғир вазн тоифасида Ўзбекистон шарафини ҳимоя қилаётган UFC жангчиси Богдан Гусков биринчи марта ўзининг бўлажак рақиби Никита Крилов ҳақида изоҳ берди.
“Крилов — юқори даражадаги универсал жангчи. У тажрибали рақибларга қарши жанг қилган, жанг қилишни яхши кўради ва тезда октагон муҳитига мослаша олади. Бу жанг менинг фаолиятимдаги энг катта синовлардан бири бўлади”, — деди Гусков.
Эслатиб ўтамиз, 32 ёшли Богдан Гусков UFC 316 доирасида 26 июл куни Абу-Дабида украиналик рақиби Никита Криловга қарши октагонга кўтарилади. Крилов профессионал фаолияти давомида ҳам Россия, ҳам Украина байроқлари остида жанглар ўтказган.
Гусков учун ушбу жанг UFC’dagi нуфузини янада ошириш ва рейтингда юқори поғоналарга кўтарилиш учун муҳим имконият ҳисобланади.
