Беш ташаббус олимпидаси — Янги ғалабалар майдони
Беш ташаббус олимпидаси доирасида профессионал таълим муассасалари талабалари amongst ўтказилган спорт мусобақаларининг Наманган вилояти босқичида юқори натижаларга эришган иштирокчиларни тақдирлаш маросими бўлиб ўтди.
Мазкур мусобақаларда профессионал таълим тизимида таҳсил олаётган ёшлар спортнинг турли йўналишларида ўз маҳорат ва иқтидорларини намоён этиб, вилоят босқичларида ғолиб ва совриндорлар қаторидан жой олдилар.
Тақдирлаш маросимида вилоят ҳокими ўринбосари Отабек Базаров иштирок этиб, ёш спортчиларни эришилган ютуқлар билан табриклади, уларга келгусидаги ўқиш ва спорт фаолиятларида омад ва зафарлар тилади. Шунингдек, спорт ёшларнинг жисмоний чиниқиши, соғлом турмуш тарзини шакллантириш ва бўш вақтини мазмунли ташкил этишда муҳим аҳамият касб этиши алоҳида таъкидланди.
Тадбир якунида вилоят босқичида ғолиб ва совриндор бўлган талабаларга эсдалик совғалари тантанали равишда топширилди.
Беш ташаббус олимпидаси ёшларни спортга кенг жалб этиш, иқтидорли спортчиларни аниқлаш ҳамда уларни қўллаб-қувватлашга хизмат қилмоқда.
