Белбоғли кураш бўйича Ўзбекистон чемпионати якунланди
Кучли учликдан жой олган полвонлар диплом, медал ва эсдалик совғалари билан мукофотланишди.
Бошқа спорт турлари
Sports24.uz'ни Google'га қўшиш
Фото: Спорт вазирлиги
Жорий йилнинг 1-4 апрел кунлари Нукус шаҳридаги Олимпия ва паралимпия спорт турларига тайёрлаш марказида белбоғли кураш бўйича эркаклар ва аёллар ўртасида Ўзбекистон чемпионати беллашувлари бўлиб ўтди.
Ушбу чемпионатда 300 нафарга яқин полвонлар иштирок этди.
Муросасиз ўтган уч кунлик беллашувларда Муҳаммадюсуф Жакбаралиев, Жамолиддин Неъматуллаев, Абутолиб Маҳкамов, Зайлобиддин Ортиқов, Диёрбек Полвонбоев, Сардорбек Содиқжонов, Дилшодбек Ойбеков, Ўринбой Абдусаматов, Гулсанам Солиева, Маънзураой Мўйдинова, Земфира Азатова сингари атлетлар ўз вазн тоифаларида ғолибликни қўлга киритди.
Беллашувлар якунда кучли учликдан жой олган полвонлар диплом, медал ва эсдалик совғалари билан мукофотланишди.
Розикжон Султонмуродов
Журналист