Бектемир Мелиқўзиевнинг WBA Eliminator жангининг расмий промо-ролиги эълон қилинди
Ўзбекистонлик боксер Бектемир Мелиқўзиев 30 май куни WBA Eliminator доирасида рингга қайтади. Унинг рақиби америкалик Дариус Фулгэм бўлади. Жанг Лас-Вегасда, машҳур Golden Boy Promotions (Оскар Де Ла Хоя раҳбарлигида) ташкил қиладиган профессионал бокс кечасида ўтказилади.
Жангга бағишланган расмий промо-ролик аллақачон ташкилотчилар томонидан эълон қилинди. Беллашув 12 раунддан иборат бўлиб, WBA рейтингдаги даъвогарлик ўринларини белгилашда муҳим аҳамият касб этади.
Мелиқўзиевнинг жорий рейтингдаги ўринлари:
WBA — 6-ўрин
WBC — 11-ўрин
WBO — 11-ўрин
BoxRec — 20-ўрин
World Series of Boxing мусобақасидаги натижалари:
6 жанг
4 ғалаба (2 та нокаут)
2 мағлубият
Ушбу жанг ўзбек боксерининг фаолиятида муҳим босқич бўлиб, уни чемпионлик жангига яқинлаштириши мумкин.
