Бектемир Мелиқўзиев чемпионлик камари учун элиминатор жанг ўтказади
Бошқа спорт турлари
Sports24.uz'ни Google'га қўшиш
Расм: Fight.ru Бектемир Мелиқўзиев
Инсайдер Жалол Аҳмедовнинг ижтимоий тармоқларда хабар беришича, ўзбекистонлик боксчи Бектемир Мелиқўзиев чемпионлик учун элиминатор жангда қатнашади. Манба маълумотига кўра, Мелиқўзиев 30 май куни Лас-Вегасда Golden Boy промоутерлик компанияси ташаббуси билан ташкил этиладиган бокс кечасида рингга қайтади. Унинг рақиби - америкалик Дариус Фулгэм бўлади.
Жанг WBA версиясидаги супер ўрта вазн тоифасида элиминатор сифатида ўтади. Ҳозирда Мелиқўзиев ташкилот рейтингида учинчи ўринни эгаллаб турибди, Фулгэм эса тўртинчи поғонада.
Бектемир Мелиқўзиев профессионал рингда 16 марта жанг қилиб, 15 ғалаба (10 та нокаут) ва 1 мағлубият қайд этган. Дариус Фулгэм эса 14 жангда иштирок этиб, барчасида ғалаба қозонган ва 12 марта рақибини нокаутга учратган.
Бакрадзе Иман
Редактор