Бадиий гимнастика. Вакилларимиз Жаҳон чемпионати йўлланмаси учун баҳсларга киришади
16-18 май кунлари Сингапурда бадиий гимнастика бўйича Осиё чемпионати саралаш босқичи бўлиб ўтади. 19 мамлакатнинг энг кучли вакиллари бир платформда ўсмирлар ва катталар ўртасидаги мусобақаларда ўз маҳоратини намоён этишади.
Катталар гимнастикачилари учун бу мусобақа айниқса аҳамиятлидир, чунки у август ойи охирида Бразилияда бўлиб ўтадиган жаҳон чемпионатида иштирок этиш учун квотани қўлга киритиш имкониятини беради.
Сингапурдаги мусобақада Ўзбекистон терма жамоасини 17 нафар спортчи ҳимоя қилади:
Шахсий машқлар:
Катталар: Тахмина Икромова, Анастасия Саранцева, Наталья Усова.
Ёшлар: Виктория Никифорова, София Усова.
Гуруҳ машқлари:
Катталар: Мумтоза Ишоқзода, Иродахон Садикова, Эвелина Аталянц, Амалия Мамедова, Аделя Файзулина, Мафтуна Заирова.
Ёшлар: Алана Хафизова, Милана Сафина, Кристина Шин, Ясемин Яхлакова, Ёсина Жураева, Замира Хвалчева.