Бадиий Гимнастика. Sofia Cup. Терма жамоамиз жамоавий баҳсларда бронза ва кумуш медалларини қўлга киритди
Бошқа спорт турлари
Иброҳим Жалолов
Редактор
PHOTO: Google
Бадиий гимнастика бўйича Болгария давлатида бўлиб ўтаётган Sofia Cup турнирида Ўзбекистон терма жамоаси аъзолари ҳам иштирок этмоқда.
Алексия Киселева ва Майя Филиппова мураббийлик қилаётган қизларимиз жамоавий баҳсларда икки бор шоҳсупага кўтарилди. Кристина Шин, Алана Хафизова, Милана Сафина, Сафия Пўлатова, Жасмин Яхлакова ва Ёсина Жўраевалар аввал кўпкурашда бронза медалини қўлга киритишган бўлса, кейинроқ 5та жуфтлик билан кумуш медалларига эга чиқишди.
Эслатиб ўтамиз, мусобақа давом этмоқда ва София Усова, Лейсан Кузменко ҳамда Виктория Никифоровалар якка чиқишлар бўйича иштирок этиб, ўзларини синовдан ўтказиб кўришади.