Азизжон Камилов Осиё чемпионати қаҳрамонлари билан учрашди
Хабарингиз бор, 16-19 июл кунлари Иордания пойтахти Амман шаҳрида ўсмирлар ва ёшлар ўртасида Осиё чемпионати бўлиб ўтди.
Ушбу қитъа биринчилигида Аурелио Чиприан-Флис бош мураббийлигидаги Ўзбекистон терма жамоалари муваффақиятли тарзда иштирок этган эди.
Ўзбекистон дзюдо федерацияси раиси Азизжон Камилов ҳар икки терма жамоамиз аъзолари билан учрашди. Бир пиёла чой устида ташкил этилган учрашувда Азизжон Якубжанович мураббийлар штаби, шифокорлар ва дзюдочиларга миннатдорлик билдирди.
Федерация раиси йилнинг асосий мусобақаси ҳисобланган Жаҳон чемпионатида ҳам муносиб тарзда қатнашиб, 2026 йилги мавсумни юқори нотага якунлаш устувор вазифа эканини уқди.
Эслатиб ўтамиз, Ўзбекистон ўсмирлар ва ёшлар терма жамоалари умумий ҳисобда 18 та олтин, 6 та кумуш, 11 та бронза, жами 35 та медаль билан Осиёнинг 20 давлати орасида умумжамоа ҳисобида биринчи ўринни эгаллаган эди.
