Авазжон Каримов Тошкент шаҳар дзюдо федерацияси раиси этиб сайланди
Бугун Республика Олимпия ва паралимпия спорт турларига тайёрлаш марказида Спорт вазири ўринбосари А. Каримов, Дзюдо федерацияси раиси А. Камилов, спорт бошқармаси бошлиғи Б. Убайдуллаев, марказ директори А. Мамадалиев, спорт мактаб директорлари, тренерлар ҳамда мутасадди ташкилотлар иштирокида навбатдаги йиғилиш ўтказилди.
Йиғилишда 2028 йилда Лос-Анжелес шаҳрида бўлиб ўтадиган ёзги Олимпия ва Паралимпия ўйинларига пухта тайёргарлик кўриш, ҳамда дзюдо спорт турини ривожлантириш масалалари муҳокама қилинди. Шунингдек, ташкилий масала кўриб чиқилиб, Дзюдо федерацияси Тошкент шаҳар бўлими раиси лавозимига Спорт вазирининг ўринбосари Каримов Авазжон Қудратуллаевич номзоди илгари сурилди.
Иштирокчилар номзодни бир овоздан маъқуллашди ва А. Каримов Дзюдо федерацияси Тошкент шаҳар бўлими раиси лавозимига сайланди.
