Avazjon Karimov Toshkent shahar dzyudo federatsiyasi raisi etib saylandi

Boshqa sport turlari 05 iyn 2025 da 18:26

Ibrohim Jalolov

Redaktor

Bugun Respublika Olimpiya va paralimpiya sport turlariga tayyorlash markazida Sport vaziri oʻrinbosari A.Karimov, Dzyudo federatsiyasi raisi A.Kamilov, sport boshqarmasi boshligʻi B.Ubaydullayev, markaz direktori A.Mamadaliyev, sport maktab direktorlari, trenerlar hamda mutasaddi tashkilotlar ishtirokida navbatdagi yigʻilish oʻtkazildi.

Yigʻlishda 2028 yilda Los-Anjeles shahrida bo‘lib o‘tadigan yozgi Olimpiya va Paralimpiya o‘yinlariga puxta tayyorgarlik koʻrish, hamda dzyudo sportini rivojlantirish masalalari muhokama qilindi. Shundan soʻng tashkiliy masala koʻrib chiqilib Dzyudo federatsiyasi Toshkent shahar bo'limi raisi lavozimiga Sport vazirining oʻrinbosari Karimov Avazjon Qudratullayevich nomzodi ilgari surildi.

Ishtirokchilar nomzodni bir ovozdan maʼqullashdi va A.Karimov Dzyudo federatsiyasi Toshkent shahar boʻlimi raisi lavozimiga saylandi.