Қашқадарёда соҳил волейболи бўйича “Ҳоким олимпиадаси” мусобақаси ўтказилди
Қашқадарё вилоятида соҳил волейболи спорт тури бўйича “Ҳоким олимпиадаси” мусобақалари юқори савияда ташкил этилди. Беллашувларда вилоятининг турли ҳудудларидан келган ёш спортчилар ғолиблик учун муросасиз кураш олиб борди. Соҳил волейболи “Ҳоким олимпиадаси” дастуридаги спорт турларидан бири ҳисобланади.
Ўғил болалар ўртасида:
1-ўрин — Қарши Олимпия ва Паралимпия спорт турларига тайёрлаш маркази
2-ўрин — Деҳқонобод тумани 50-мактаб жамоаси
3-ўрин — Кўкдала спорт мактаби
Қиз болалар ўртасида:
1-ўрин — Қарши тумани
2-ўрин — Нишон тумани
3-ўрин — Яккабоғ тумани
Мусобақа якунида ғолиб ва совриндор жамоалар диплом, медал ҳамда эсдалик совғалари билан тақдирланди. Мазкур мусобақа ёшлар ўртасида соҳил волейболини янада оммалаштириш, иқтидорли спортчиларни кашф этиш ва соғлом турмуш тарзини тарғиб қилишга хизмат қилади.
