Qashqadaryoda sohil voleyboli bo‘yicha “Hokim olimpiadasi” musobaqasi o‘tkazildi
Qashqadaryo viloyatida sohil voleyboli sport turi bo‘yicha “Hokim olimpiadasi” musobaqalari yuqori saviyada tashkil etildi. Bellashuvlarda viloyatning turli hududlaridan kelgan yosh sportchilar g‘oliblik uchun murosasiz kurash olib bordi. Sohil voleyboli “Hokim olimpiadasi” dasturidagi sport turlaridan biri hisoblanadi.
O‘g‘il bolalar o‘rtasida:
1-o‘rin — Qarshi Olimpiya va Paralimpiya sport turlariga tayyorlash markazi
2-o‘rin — Dehqonobod tumani 50-maktab jamoasi
3-o‘rin — Ko‘kdala sport maktabi
Qiz bolalar o‘rtasida:
1-o‘rin — Qarshi tumani
2-o‘rin — Nishon tumani
3-o‘rin — Yakkabog‘ tumani
Musobaqa yakunida g‘olib va sovrindor jamoalar diplom, medal hamda esdalik sovg‘alari bilan taqdirlandi. Mazkur musobaqa yoshlar o‘rtasida sohil voleybolini yanada ommalashtirish, iqtidorli sportchilarni kashf etish va sog‘lom turmush tarzini targ‘ib qilishga xizmat qiladi.
