ASEAN track series иккинчи босқичи биз учун медаллар билан давом этмоқда
Аввал хабар берганимиздек, 🇲🇾Малайзиянинг Нилай шаҳрида велосипед спортининг трек йўналиши бўйича "ASEAN TRACK SERIES (PRESIDENT CUP)" мусобақаси бўлиб ўтмоқда. 10-11 январь кунлари ўтаётган иккинчи босқични медаллар билан бошладик.
Хусусан аёллар ўртасида ўтган "scratch" дастурида Нафосат Қозиева бронза медалини қўлга киритди. Биринчи ўрин хитойлик спортчига насиб этган бўлса, мезбонлар вакили иккинчи бўлди.
Нафосат бу билан тўхтаб қолмади. Навбатдаги дастурда ҳамюртимиз янада яхшироқ натижа қайд этди ва "Elemenation"да кумуш медалини қўлга киритди. Бу йўналишда малайзиялик спортчи кичик фарқ билан биринчи ўринни эгаллади. Шу тариқа, Нафосат Қозиева давом этаётган "ASEAN TRACK SERIES" мусобақасида Ўзбекистон терма жамоаси учун учинчи медални келтирмоқда.
