Қаршида халқаро шахмат турнири ўтказилади

Жорий йилнинг 18–24-май кунлари Қарши шаҳрида Исмат Шукуров хотирасига бағишланган “Қарши Open – 2026” V халқаро шахмат турнири бўлиб ўтади.

Мазкур нуфузли мусобақа Ўзбекистон шахмат федерацияси томонидан “SHAH-POLAN M” МЧЖ ҳамкорлигида ташкил этилмоқда.

Мусобақа FIDE қоидалари асосида 2 гуруҳда ўтказилади:

“A” гуруҳи — рейтинги 1800 ва ундан юқори иштирокчилар,
“B” гуруҳи — рейтинги 1999 ва ундан паст иштирокчилар.

Халқаро унвонга эга шахматчилар учун иштирок бепул. Бошқа иштирокчилар учун бадал миқдори рейтингига қараб белгиланади. Хорижлик иштирокчилар учун бадал 100 АҚШ долларини ташкил этади.

Розикжон Султонмуродов

Журналист

0 0 0 0 0 0