«Арсенал» Эндрикни ўз сафига қўшиб олиши мумкин
Мадриднинг «Реал» клуби ҳужумчиси Эндрик ҳамон Лондоннинг «Арсенал» клуби қизиқиш доирасида қолмоқда. Бу ҳақда журналист Экрем Конур ижтимоий тармоқларда маълум қилди.
Манбага кўра, «Арсенал» вакиллари бразилиялик футболчининг «Реал»даги вазиятини диққат билан кузатиб боришмоқда. Эндрик Мадрид клубида етарлича ўйин амалиётига эга бўлаётгани йўқ. Шу сабабли 20 ёшли ҳужумчи жамоасини тарк этиши мумкинлиги ҳақида хабарлар пайдо бўлди.
Қайд этилишича, агар «Арсенал» ҳужумчиси Виктор Дьёкереш жамоадан кетса, Эндрик лондонликлар учун асосий трансфер мақсадларидан бирига айланади. «Канонирлар» бразилиялик форвардни жамоа ҳужум чизиғини кучайтириш учун муносиб номзод сифатида кўриб чиқмоқда.
Эндрик 2024 йилда «Палмейрас»дан «Реал»га кўчиб ўтган эди. У Мадрид клуби билан узоқ муддатли шартномага эга бўлиб, амалдаги келишув 2030 йил июнь ойининг охирига қадар мўлжалланган.
Айни пайтда Transfermarkt маълумотларига кўра, бразилиялик ҳужумчининг трансфер қиймати 40 миллион еврога баҳоланмоқда.
