Арман Царукян эҳтимолий рақибини маълум қилди: Гэтжига қарши жанг қачон бўлиши мумкин?
UFC енгил вазн тоифасида собиқ чемпионлик даъвогари Арман Царукян навбатдаги жангини қаерда ва кимга қарши ўтказиши мумкинлигини маълум қилди.
Ислам Махачев бўшатган енгил вазн камари учун 29 июн куни Илия Топурия ва Чарлз Оливейра жанг ўтказиши кутилмоқда. Ушбу кардда Царукяннинг Жастин Гэтжига қарши жанг қилиши мантиқан тўғри бўлишини у таъкидлади.
«Менимча, рақибим Гэтжи бўлиши керак. Бу адолатли қарор бўлади. Оливейра вақтинчалик камар учун жанг қилади, Порье ва Холлоуэй BMF камарини қўлга киритишга ҳаракат қилади. Гэтжининг ҳозирча жангисиз қолгани — мен учун имконият. Балки, жароҳат олганлардан бирини алмаштирарман. Бу каби кардда асосий жангни кўтара оладиган мендек ном керак», — деди Царукян.
Аввалроқ Арман Матеуш Гамротга қарши реванш таклифини рад этганди. Айни вақтда у грепплинг бўйича тайёргарлик кўрмоқда — 31 май куни Москвадаги ADXC 10 турнирида Царукян собиқ Bellator чемпиони Патрики Фрейрега қарши жанг қилади.
