Анвар Анваров Будапештдаги нуфузли турнирда бронза медалини қўлга киритди
Узунликка сакрашдаги 8,05 метрлик натижа спортчимизга шоҳсунага олиб чиқди
Бошқа спорт турлари
Sports24.uz'ни Google'га қўшиш
Расм: Olympic.uz
Венгриянинг Будапешт шаҳрида енгил атлетика бўйича “Gyulai István Memorial – Hungarian Athletics Grand Prix” мусобақаси бўлиб ўтди. Бутунжаҳон енгил атлетика федерацияси тақвимидан ўрин олган ушбу “олтин” тоифали турнирда ҳамюртимиз Анвар Анваров муваффақиятли иштирок этди.
Олимпиада ва жаҳон чемпионлари тўпланган узунликка сакраш секторида Анваров 8,05 метрлик сўнгги уриниши билан бронза медалини қўлга киритди. Бу натижа унга шоҳсуна учинчи поғонасини таъминлаб, келаси ой Токиода ўтадиган жаҳон чемпионати йўлланмаси учун қимматли рейтинг очколарини ҳам олиб келди.
Бакрадзе Иман
Редактор