Аниш Гири: «Умид қиламанки, бир кун жаҳон чемпиони бўламан»
Голландиялик гроссмейстер Chess.com хужжатли фильмида қуйидагиларни сўзлаб берди:
Шахматдаги илк қадамлар ҳақида:
«Мен жуда омадлиман. Онам мени яқин атрофдаги шахмат клубига олиб боришни истаган эди. Борганимизда клуб ёпиқ экан, бошқа клубга бордик. У каттароқ, мураббийлар кўпроқ ва профессионалроқ эди. Агар биринчи клуб очиқ бўлганида ўша клубга кирган бўлар эдим, балки ҳеч қачон кучли шахматчи бўлмас эдим».
Вишванатан Ананд билан ишлаган даври ҳақида:
«2010-йилда Виши Ананд билан ишлаш имконияти бўлди. У ўзининг навбатдаги жаҳон чемпионлиги баҳсига тайёргарлик кўраётган эди. Ўзимча яхши тайёргарлик кўрганман деб ўйлардим, лекин у менинг ҳамма ғояларимга қарши ғоялар билан жавоб берганида ривожланишим учун ҳали узоқ йўл борлигини англадим».
Энг катта ютуғи ҳақида:
«Ҳозиргача энг фахрли ютуғим — 2023-йилда Tata Steel Chess турниридаги ғалаба. Бу дунёдаги энг нуфузли турнирлардан бири ва у менинг мамлакатида ўтказилади. Мен учун бу гўёки хусусий жаҳон чемпионатидай. Умид қиламанки, келажакда ҳақиқий чемпионлик унвони менинг энг катта ютуғим бўлади».
