Андижонда бадиий гимнастика бўйича Республика очиқ чемпионати ўтказилди
Ғолиблар ташаккурнома ва эсдалик совғалари билан тақдирландилар.
Бошқа спорт турлари
Sports24.uz'ни Google'га қўшиш
Фото: Андижон спорт бошқармаси
Андижон шаҳридаги Универсал спорт мажмуасида спортнинг бадиий гимнастика тури бўйича U-5–U-17 ёш тоифаларидаги қизлар ўртасида Республика очиқ чемпионати юқори савияда ташкил этилди.
Мусобақада республикамизнинг турли ҳудудларидан ташриф буюрган спортчилар ўзаро маҳорат синовидан ўтиб, қизиқарли ва муросасиз баҳсларда иштирок этдилар. Якунда ўз ёш тоифаларида ғолиб ва совриндор бўлган иштирокчилар диплом, медаль ҳамда эсдалик совғалари билан тақдирландилар.
Шунингдек, тақдирлаш маросимида бадиий гимнастика спорт турини ривожлантириш, ёш спортчиларни тарбиялаш ва юқори натижаларга эришишда муносиб ҳисса қўшиб келаётган бир гуруҳ мураббийлар ҳам алоҳида эътироф этилиб, ташаккурнома ва эсдалик совғалари билан тақдирландилар.
Розикжон Султонмуродов
Журналист