Андижон вилоятида спорт соҳасида амалга оширилаётган ишлар ҳолати ўрганилди
Ўзбекистон Республикаси Спорт вазирлиги томонидан ҳудудларда спорт соҳасида амалга оширилаётган ишлар доимий равишда ўрганиб борилмоқда. Хусусан, хизмат сафари билан Андижон вилоятига ташриф буюрган Ф.Турдиев вилоят спорт бошқармаси бошлиғи Ў.Тошпўлатов билан ҳамкорликда вилоятда ўрганиш ишларини амалга оширди.
Ташриф давомида “Янги Ўзбекистон Олимпия чўққилари” спорт мусобақаларининг биринчи босқичини ташкил этиш жараёнлари, ташкилий ишлар ҳамда иштирокчилар учун яратилган шарт-шароитлар билан яқиндан танишилди.
Шунингдек, ўрганиш жараёнида вилоят спорт инфратузилмасининг ҳолати атрофлича таҳлил қилинди. Мавжуд спорт иншоотларидан самарали фойдаланиш, уларни янада ривожлантириш ҳамда ёшлар ўртасида спортни кенг оммалаштириш масалаларига алоҳида эътибор қаратилди.
Ўрганиш якунида масъулларга мусобақаларни юқори савияда ташкил этиш, иқтидорли спортчиларни саралаш ва уларни кейинги босқичларга сифатли тайёрлаш юзасидан тегишли тавсия ва кўрсатмалар берилди.
