Ана энди Тайландда кураш янада ривожланади!
Кураш Тайланднинг "National Youth Games" спорт турлари қаторига киритилди.
Тайланднинг Чонбури шаҳрида бўлиб ўтган қирқинчи "National Youth Games" ўйинларида илк бор кураш мусобақаси ҳам ташкиллаштирилди. Бу эса мамлакатдаги ёш курашчиларнинг ривожланиши ва Тайланд миллий терма жамоасининг келажагини қуришда муҳим рол ўйнаши айтилди.
Мусобақада қатнашиш учун мамлакат бўйлаб саралаш босқичлари ўтказилди. Тайланднинг 5 минтақасидаги 77 та ҳудуддан сараланиб олинган курашчилар Чонбуридаги баҳсларда иштирок эришди. Турнирда қатнашган спортчилар қуйидаги вазн тоифаларида кураш тушдилар:
Еркаклар: -46 кг, -50 кг, -55 кг, -60 кг, -66 кг, +73 кг
Аёллар: -40 кг, -44 кг, -48 кг, -52 кг, -57 кг, +63 кг
Асосий мусобақа 30 мартдан 2 апрелгача бўлиб ўтди. Ҳал қилувчи баҳсларда 29 та ҳудудлардан келган 151 та энг кучли ёш спортчилар иштирок этишган бўлса, шулардан 83 нафари эркакларни ва 68 нафари аёлларни ташкил қилди.
