Ҳамзат Чимаев навбатдаги жангини октябр ойида Абу-Дабида ўтказмоқчи
UFC чемпиони 10 май куни Шон Стриклендга қарши октагонга кўтарилади.
Бошқа спорт турлари
Sports24.uz'ни Google'га қўшиш
ФОТО: Getty Images
Ўрта вазн тоифасида (84 кг гача) UFC чемпиони Ҳамзат Чимаев ўзининг навбатдаги жангини жорий йилнинг октябр ойида ўтказишга умид қилаётганини маълум қилди.
«Ҳозир бор эътиборимни фақат Шон билан бўладиган жангга қаратмоқдаман. У билан бўладиган баҳсдан сўнг ўзимни қандай ҳис қилишимни кўрамиз. Октябр ойида Абу-Дабида жанг қила оламан деб умид қиламан. Бу ер менинг уйим, арена яшаш жойимдан бор-йўғи беш дақиқалик масофада жойлашган. Бу ажойиб бўлар эди», — дея Чимаевнинг сўзларини келтирмоқда UFC матбуот хизмати.
Эслатиб ўтамиз, 10 май куни Ньюаркда (АҚШ) бўлиб ўтадиган UFC 328 турнирида Чимаев собиқ чемпион, америкалик Шон Стрикленд билан тўқнаш келади.
Насрулло Каримов
Журналист