Аманда Нуньес: «Харрисон билан жанг қилиб, камаримни қайтариб оламан»
UFCнинг собиқ икки вазн тоифасидаги чемпиони Аманда Нуньес фақатгина амалдаги чемпионлик камари учун жанг қилмоқчи эканини таъкидлади. У енгил вазн тоифасидаги титул соҳиби Кайла Харрисон билан тўқнаш келиш ниятида ва вақтинча камар учун ўтказиладиган жангларга қизиқиш билдирмаяпти.
MMAJunkie нашрининг хабар беришича, Нуньес барча жангчилар у билан тўқнашиб пул ишлашни исташаётганини тушунишини, бироқ вазият бошқача эканини айтди:
«Барча имкониятга эга бўлишни исташини биламан. Ҳамма мен билан жанг қилиб, пул топишни хоҳлайди, буни тушунаман. Лекин бу тизим бундай ишламайди. Мен фақат ҳақиқий камар учун жанг қиламан, уларнинг истаги билан иш тута олмайман. Менимча, ҳали уларнинг барчаси билан жанг қилишга имконият бўлади, шунинг учун улар ҳам вақтида мен кутганимдек кутишлари керак. Мен чемпионлик жанг учун жуда узоқ кутганман. Кун келиб бу имкониятга эга бўлдим, демак, бошқаларда ҳам шундай имконият бўлади. Менимча, улар кутуши лозим. Мен Харрисон билан жанг қилиб, камаримни қайтариб олмоқчиман», — деди Аманда Нуньес.
Эслатиб ўтамиз, Аманда Нуньес ўз вақтида фаолиятини якунлаганини эълон қилган эди, бироқ сўнгги баёнотлари унинг катта спортга қайтишга тайёрлигидан далолат бермоқда.
