Amanda Nunyes: «Harrison bilan jang qilib, kamarimni qaytarib olaman»
UFCning sobiq ikki vazn toifasidagi chempioni Amanda Nunyes faqatgina amaldagi chempionlik kamari uchun jang qilmoqchi ekanini ta’kidladi. U yengil vazn toifasidagi titul sohibi Kayla Harrison bilan to‘qnash kelish niyatida va vaqtincha kamar uchun o‘tkaziladigan janglarga qiziqish bildirmayapti.
MMAJunkie nashrining xabar berishicha, Nunyes barcha jangchilar u bilan to‘qnashib pul ishlashni istayotganini tushunishini, biroq vaziyat boshqacha ekanini aytdi:
«Barcha imkoniyatga ega bo‘lishni istashini bilaman. Hamma men bilan jang qilib, pul topishni xohlaydi, buni tushunaman. Lekin bu tizim bunday ishlamaydi. Men faqat haqiqiy kamar uchun jang qilaman, ularning istagi bilan ish tutolmayman. Menimcha, hali ularning barchasi bilan jang qilishga imkon bo‘ladi, shuning uchun ular ham vaqtida men kutganimdek kutishlari kerak. Men chempionlik jangi uchun juda uzoq kutganman. Kun kelib bu imkoniyatga ega bo‘ldim, demak, boshqalarda ham shunday imkon bo‘ladi. Menimcha, ular kutishi lozim. Men Harrison bilan jang qilib, kamarimni qaytarib olmoqchiman», — dedi Amanda Nunyes.
Eslatib o‘tamiz, Amanda Nunyes o‘z vaqtida faoliyatini yakunlaganini e’lon qilgan edi, biroq so‘nggi bayonotlari uning katta sportga qaytishga tayyorligidan dalolat bermoqda.
