Алпомиш муз саройи Паралимпиячилар матонати халқаро форуми ва Адаптив спорт фестивалининг тантанали очилиш маросимига мезбонлик қилди
"Алпомиш" муз саройи "Паралимпиячилар матонати" халқаро форуми ва "Адаптив спорт" фестивалининг тантанали очилиш маросимига мезбонлик қилди. Тадбир доирасида россиялик хоккейчилар иштирокида адаптив хоккей бўйича кўргазмали ўйин ҳам ташкиллаштирилди.
Пойтахтимиздаги муҳташам "Алпомиш" муз саройида айни кунларда юртимизда бўлиб ўтаётган "Паралимпиячилар матонати" халқаро форуми ва "Адаптив спорт" фестивалининг тантанали очилиш маросими ташкил этилди.
Тадбир давомида Россия адаптив хоккей федерацияси томонидан Ўзбекистонда ушбу спорт турини ривожлантириш мақсадида спорт жиҳозлари топширилди. Таниқли санъаткорлар иштирокидаги концерт дастури ва "Матонат мактаби" мотиваторларининг мотивацион чиқишлари эса барчада катта таассурот қолдирди. Шунингдек, тадбир давомида россиялик хоккейчилар иштирокида адаптив хоккей бўйича кўргазмали ўйин бўлиб ўтди.
Бир сўз билан айтганда, ушбу форум ва фестиваль ногиронлиги бўлган, ижтимоий ҳимояга муҳтож инсонларнинг матонати ва ҳаётга интилишини ёритувчи, жамиятда инклюзивлик маданиятини мустаҳкамловчи ва соғлом турмуш тарзини тарғиб қилувчи муҳим халқаро майдонга айланди.
