Алмабаев – Темиров жанги яна кун тартибида
MMAMania.com нашри журналисти Адам Гиллен 26 июл куни Абу-Дабида бўлиб ўтган UFC мусобақаси якунларидан сўнг, айрим ғолиблар учун келгуси рақиблар борасида таклифларини билдирди. Улар орасида юнгил вазн тоифасида иштирок этган қозоғистонлик Асу Алмабаев ҳам бор, деб хабар беради Sports.kz.
«Зулфикар» лақаби билан танилган Алмабаев уч раунд давом этган жангда перуанлик Хосе Очоани ҳакамлар бир овоздан қабул қилган қарор билан мағлуб этди. Адам Гилленнинг фикрича, энди Алмабаевга ўзбекистонлик Рамазан Темировга қарши жанг тайинлаш керак. Аслида айнан у ушбу турнирда Асунинг рақиби бўлиши керак эди, бироқ Темиров жанг олдидан допинг-синовдан ўта олмаган.
«Ғалаба қозонган жангчи: Асу Алмабаев
Энди у ким билан жанг қилиши керак: Рамазан Темиров
Манел Капега қарши оғир мағлубиятдан сўнг, у узоқ давом этган ютуқли сериясини йўқотганди. Бироқ Хосе Очоа устидан қозонган ишончли ғалаба билан Алмабаев қайта тикланишга муваффақ бўлди.
Унинг бу турнирдаги асл рақиби Темиров эди, лекин у тақиқланган модда учун топширган допинг-синовида муваффақиятсизликка учради.
Мен ҳанузгача бу жанг қайта ташкил қилинишини хоҳлардим. Барча далиллар Темировнинг бундай моддани ниятсиз қабул қилганини кўрсатяпти. Албатта, бу каби вазиятлар доимо тортишувларга сабаб бўлади. Темиров қанча муддат мусобақаларда қатнашмаслиги ҳали номаълум, лекин бу жанг келажакда амалга ошишига умид билдирмоқчиман», — деб ёзди Гиллен.
