Алиев ва Бердимуратов — Будапештдаги рейтинг турнири совриндорлари!
17–20 июл кунлари Венгрия пойтахти Будапештда спорт курашлари бўйича анъанавий Polyák Imre & Varga János Memorial рейтинг турнири бўлиб ўтди. Унда юнон-рум кураши бўйича терма жамоамиз вакиллари иштирок этди.
72 кг вазн тоифасидаги Абдулло Алиев мусобақа финалигача етиб борди. Грузиялик, Европа чемпионати совриндори Юри Ломадзега қарши ҳал қилувчи баҳсда 2:8 ҳисобида ютқазган ҳамюртимиз кумуш медалга сазовор бўлди. Алиев бугунга қадар U-20 ва U-23 ёшлар ўртасида Осиё чемпиони бўлиб, катталар ўртасидаги қитъа биринчилигида иккинчи ўринни эгаллаган.
82 кг вазнда курашган Жалгасбай Бердимуратов эса бронза медали учун кечган беллашувда россиялик Рафаэл Юнусов устидан 2:1 ҳисобида ғалаба қозонди.
Шу тариқа, юнон-рум кураши бўйича курашчиларимиз Будапештдаги мусобақани икки медал — бир кумуш ва бир бронза билан якунлашди.
