Ҳали мағлубиятга учрамаган жангчи Islam Maxachevга чақируғ ташлади
UFCнинг яримўрта вазн тоифасида мағлубиятсиз одимлаётган Майкл Моралес амалдаги чемпион Islam Maxachevни жангга чорлади.
Дивизион рейтингда учинчи ўринни эгаллаб турган 26 ёшли эквадорлик жангчи россиялик чемпиондан шартномага қўл қўйишни талаб қилмоқда.
«Менинг нигоҳим чемпионлик камарига қаратилган. Islam, шартномага қўл қўй», — деб ёзди Моралес ўзининг ижтимоий тармоқдаги саҳифасида.
Маълумот ўрнида, Майкл Моралес профессионал MMAдаги фаолиятини 2017 йилда бошлаган. Ҳозиргача у 19 та жанг ўтказиб, уларнинг барчасида ғалаба қозонган. Ғалабаларининг 15 тасини у муддатидан аввал қўлга киритган.
Ўзининг сўнгги жангида — Нью-Йоркда ўтган UFC 322 турнирида Моралес америкалик Шон Бредини биринчи раунддаёқ нокаутга учратган эди. 34 ёшли Islam Maxachev эса ҳозирда нафақат ўз вазнининг, балки вазн тоифасидан қатъи назар (P4P) UFCнинг энг кучли жангчиларидан бири бўлиб қолмоқда.
