Айчи-Нагоя-2026: Стол тенниси, бокс, ўқ отиш спорти ва киберспорт бўйича тайёргарлик ишлари кўриб чиқилди
Спорт вазири ўринбосари Шахрилло Маҳмудов ҳамда МОҚ раиси ўринбосари Шерзод Ташматов Японияда бўлиб ўтадиган Айчи-Нагоя-2026 ёзги Осиё ўйинларига тайёргарлик жараёнларини ўрганиш мақсадида бир қатор спорт федерациясига ташриф буюрди.
Масъуллар Ўзбекистон оғир атлетика ва гимнастика федерациялари, шунингдек, мамлакат таэквондо WT ассотсиациясида бўлишди. Мазкур федерациялар раҳбарияти, мураббийлар ва мутахассислар иштирокида спорт турлари бўйича миллий терма жамоаларнинг тайёргарлик ҳолати атрофлича муҳокама қилинди.
Муҳокамалар чоғида спортчиларнинг машғулот режалари, халқаро мусобақаларда иштирок этиш тақвими, Осиё ўйинларида юқори натижалар қайд этиши кутилган спортчилар тайёргарлиги, ўқув-машғулот йиғинлари, илмий-методик ва тиббий таъминот масалаларига алоҳида эътибор қаратилди.
Эслатиб ўтамиз, Айчи–Нагоя-2026 ёзги Осиё ўйинлари 19-сентябр — 4-октябр кунлари бўлиб ўтади.
