Афғонистонда шахмат харам деб эълон қилиниб, тақиқланди
«Толибон» ҳукумати шахмат ўйинини харам деб эълон қилди ва уни тақиқлади. Афғонистон Шахмат федерацияси ўз фаолиятини тўхтатмоқда. Спортчилар эса ўйнаш имкониятини сақлаб қолишни сўрамоқда. Афғонистонлик толиблар шахматни харам деб топишди. Федерация ёпилди, амир фармони унинг фаолиятини давом эттириш имконини бекор қилди.
9 май куни афғонистонлик шахматчилар Спорт ва жисмоний тарбия департаментига мурожаат қилиб, шахмат ўйнаш ва молиявий ёрдам олиш имкониятини сақлаб қолишга умид қилишган эди. Аммо рад жавобини олишди — амирнинг фармонида истиснолар кўзда тутилмаган.
Афғонистон Шахмат федерацияси «Толибон» ҳокимиятга келганидан кейин ҳам ўз фаолиятини давом эттириб келаётган, эркаклар ва аёлларни ўқитиб, мамлакат бўйлаб мусобақалар уюштириб турган эди.
Айни пайтда бутун дунёда шахмат ақлий ва таълимий спорт тури сифатида эътироф этилган. Афғонистонлик спортчилар шахматнинг тақиқланиши нафақат спорт ривожига зарба бериши, балки мамлакатдаги кўп йиллик шахмат анъаналарига ҳам барҳам беришидан қўрқмоқда.