Адесаня Навахо Стерлингнинг Ян Блахович устидан қозонган ғалабасига бахо берди
Шунингдек, у Стерлингни ярим оғир вазн рейтингидаги кучли бешликка киритиш кераклигини таъкидлади.
Бошқа спорт турлари
Sports24.uz'ни Google'га қўшиш
Фото: Getty Images
UFC’нинг собиқ ўрта вазн чемпиони Исраел Адесаня собиқ жамоадоши Навахо Стерлингнинг Ян Блахович устидан қозонган ғалабасини юқори баҳолади.
Адесанянинг айтишича, Стерлинг қисқа муддатли тайёргарлик билан собиқ чемпионга қарши жангни қабул қилганига қарамай, октагонда жуда хотиржам ва ишончли ҳаракат қилган.
“У умуман ваҳимага тушмади. Ҳатто зарба ўтказиб, бурнидан қон кетганида ҳам ўзини йўқотмади. Навахо жанг давомида жуда хотиржам эди. Ҳеч ким илгари Янгга бундай қилмаган”, — деди Адесаня.
Шунингдек, у Стерлингни ярим оғир вазн рейтингидаги кучли бешликка киритиш кераклигини таъкидлади. Навахо Стерлинг UFC Fight Night 283 турнирида Ян Блаховични техник нокаут билан мағлуб этди.
Насрулло Каримов
Журналист