Абу-Даби шаҳрида (БАА) от спортининг тўсиқлардан сакраш (конкур) йўналиши бўйича CSI4-W* тоифасидаги халқаро мусобақа давом этмоқда

Абу-Даби шаҳрида (БАА) от спортининг тўсиқлардан сакраш (конкур) йўналиши бўйича CSI4-W* тоифасидаги халқаро мусобақа давом этмоқда. Мазкур нуфузли турнир FEI расмий тақвимига киритилган бўлиб, унда дунёнинг турли мамлакатларидан кучли чавандозлар иштирок этмоқда.

Мусобақанинг биринчи кунида — 21-январ куни Ўзбекистон терма жамоаси аъзоси Шарипов Акбар муваффақиятли иштирок этиб, CSIU 25 тоифасида 135 см баландликдаги тўсиқлар йўналишида 3-ўринни эгаллади.

Эслатиб ўтамиз, мазкур халқаро мусобақада Ўзбекистон терма жамоаси тўлиқ таркибда иштирок этмоқда.

Шарипов Акбарни эришган натижаси билан табриклаймиз ҳамда келгуси стартларда қолган чавандозларимизга ҳам омад ва муваффақиятлар тилаймиз.

Иброҳим Жалолов

Редактор

0 0 0 0 0 0