Абдусатторов ва Синдаров плей-оффда мағлуб бўлди
Freestyle Chess Grand Slam мусобақасида ҳамюртларимиз мағлублар йўлида юришни давом эттиради
Бошқа спорт турлари
Sports24.uz'ни Google'га қўшиш
Расм: Instagram
Лас-Вегас шаҳрида ўтаётган Freestyle Chess Grand Slam турнирининг учинчи босқичида Нодирбек Абдусатторов ва Жавоҳир Синдаров плей-оффда иштирок этди.
Чорак финал баҳсларида Абдусатторов ҳиндистонлик Аржун Эригаисига қарши икки партияда 0,5:1,5 ҳисобида мағлуб бўлди. Синдаров эса америкалик Ҳанс Ниеманнга қарши асосий партияларда 1:1 ҳисобини қайд этди, аммо тай-брейкда 1:3 ҳисобида ютқазди.
Шу тариқа, икки ҳамюртимиз ғолиблар йўлида мусобақани тарк этди. Энди улар мағлублар йўлида мусобақада иштирокни давом эттиради.
Бакрадзе Иман
Редактор