Абдусатторов ва Синдаров Freestyle Chess Grand Slam турнирини чорак финал билан бошлашди
Лас-Вегас шаҳрида шахмат бўйича Freestyle Chess Grand Slam турнирининг учинчи босқич беллашувлари бошланди. Мусобақада иштирок этаётган ҳамюртимиз — Нодирбек Абдусатторов ва Жавоҳир Синдаров гуруҳ босқичида юқори натижа қайд этишди.
Оқлар гуруҳида ҳаракат қилган икки шахматчимиз ҳам 7 турда 4,5 очкодан тўплаб, чорак финалга йўлланма олди.
Бугун тунда чорак финал баҳслари старт олади. Жуфтликлар қуйидагича шаклланган:
Ғолиблар йўли:
• Рамешбабу Прагнанандҳа — Фабиано Каруана
• Левон Аронян — Хикару Накамура
• Нодирбек Абдусатторов — Аржун Эригаиси
• Ҳанс Ниеманн — Жавоҳир Синдаров
Мағлублар йўли:
• Магнус Карлсен — Видит Гужрати
• Леинер Домингес — Бибисора Ассаубаева
• Рей Робсон — Винсент Кеймер
• Сэм Севиан — Уэсли Со
Таъкидлаш керакки, дунё рейтинги етакчиси Магнус Карлсен гуруҳ босқичидан кейин ғолиблар йўлига чиқа олмади. У тай-брекда Левон Аронянга мағлуб бўлди.
Ўзбекистонлик шахматчиларга чорак финалда омад тилаймиз.
