Абдусатторов плей-оффда тўхтади — финалчилар номи маълум
Саудия Арабистонининг Ар-Риёд шаҳрида ўтаётган умумий соврин жамғармаси 1 миллион 550 минг доллардан иборат Esports World Cup Chess турнири ҳал қилувчи босқичга кирди.
NAVI жамоаси сафида ҳаракат қилаётган Нодирбек Абдусатторов D гуруҳида иккинчи ўринни эгаллаб, плей-оффга йўл олган эди. Чоряк финалда у Франция шарафини ҳимоя қилувчи Алиреза Фирузджага қарши тўқнаш келди.
Тўрт партиядан иборат драматик дуэлда ғалаба Фирузджага насиб этди — 1:3. Илк икки беллашув дуранг билан якунланган бўлса, кейинги ўйинлардаги муҳим хато ва етарли собитликнинг етишмаслиги Абдусатторовга қарши ишлади.
Чорак финал натижалари:
• Нодирбек Абдусатторов — Алиреза Фирузджа (Франция): 1:3
• Ян Непомняший (Россия) — Аржун Эргаиси (Ҳиндистон): 1,5:2,5
• Магнус Карлсен (Норвегия) — Ниҳал Сарин (Ҳиндистон): 2,5:0,5
• Ҳикару Накамура (АҚШ) — Левон Аронян (АҚШ): 2,5:1,5
