25 апрел куни Бангкокда катталар ўртасидаги Осиё чемпионати бошланади. Ўзбекистонлик дзюдочиларнинг рақиблари аниқ бўлди
Таиланд пойтахти Бангкок шаҳрида 25 апрел куни катталар ўртасидаги дзюдо бўйича Осиё чемпионати старт олади. 30 мамлакатдан 295 нафар (168 эркак ва 127 аёл) спортчи иштирок этадиган нуфузли мусобақада Ўзбекистон терма жамоаси тўлиқ таркибда қатнашади.
Бундан аввал қуръа ташлаш маросими бўлиб ўтди. Унда Ўзбекистон терма жамоаси мураббийлари - Андрей Штурбабин, Азиз Ташматов ва Раҳимжон Субҳанов иштирок этди.
Ўзбекистонлик дзюдочиларнинг биринчи босқичдаги жуфтликлари қуйидагича:
Эркаклар:
-60 кг: Баҳром Ботуров — Лин Юн Вэй (Хитой)
-66 кг: Замахшарий Бекмуродов — Ченг Эн-Мин (Хитой Тайбэи) / Абел Баки́тбек уғли (Қирғизистон)
-73 кг: Шаҳром Аҳадов — Хай Ба Нгуен (Ветнам) / Кадек Варма Путра (Индонезия)
-73 кг: Мардон Равшанов — Есет Қуанов (Қозоғистон)
-81 кг: Арслонбек Тожиев — Чин-Йи Ло (Хитой Тайбэи)
-90 кг: Шаҳзодхўжа Шарипов — Каунсаттан Раттанан (Таиланд) / Хан Си (Хитой)
-90 кг: Нурбек Муртазоев — Жиазе Сонг (Хитой)
-100 кг: Рустам Шораҳматов — Ҳусейн Намдар (Эрон) / Нандана Сингакутти (Шри-Ланка)
+100 кг: Шаҳруххон Баҳтиёров — Риттичай Нимкунчан (Таиланд)
Аёллар:
-48 кг: Ирисхон Гурбанбоева — И-Чунг Шен (Хитой Тайбэи) / Су Сон Жон (КХДР)
-48 кг: Лазиза Ҳайдарова — Хуэй Синран (Хитой)
-52 кг: Соғдиёна Рафқатова — Марям Махарани (Индонезия)
-57 кг: Шукуржон Аминова — Ким Жу Ҳи (Жанубий Корея) / Мединe Оразниёзова (Туркманистон)
-63 кг: Маржона Нуруллаева — Насиба Наримонова (Туркманистон) / Ҳё Сил Ми (Жанубий Корея)
-70 кг: Хуршида Раззоқбердиева — Алина Молдокулова (Қирғизистон)
-70 кг: Ширинжон Йўлдошева — Есуй Дарханбатбаяр (Монголия)
-78 кг: Маржона Кучимова — Инхуэ Ван (Хитой) / Чаттаяпорн Правсет (Таиланд)
+78 кг: Ирисхон Гурбанбоева — Хинесинуэр Айман (Хитой)