2034 йилги Қишки Олимпия ўйинлари логотипи тақдим этилди
2034 йилги қишки Олимпия ўйинларининг Юта штатидаги ташкилий қўмитаси мусобақаларнинг вақтинчалик логотипини тақдим этди.
Ушбу логотип 2029 йилгача амал қилади — шундан сўнг у янгиланади ва АҚШ расмийларининг эътибори 2028 йилги Олимпиададан 2034 йилги мусобақаларга тўлиқ қаратилади.
Юта штати губернатори Спенсер Кокс Inside the Games нашрига айтишича, Олимпиада нафақат дунё, балки штатнинг ўзи учун ҳам бирлашув рамзи бўлади:
«2034 йилги Олимпиада бутун дунёни бирлаштиради, бироқ у, шунингдек, бизнинг штатимизни ҳам бирлаштиради. Бу ерга келадиган 100 та давлатгина эмас, балки штатнинг 29 та округи ҳам эътибор марказида бўлади. Бу шунчаки Солт-Лейк-Сити Олимпиадаси эмас — бу бизнинг умумий Олимпиадамиз», — деди у.
Қишки Олимпия ўйинлари 10–26 февраль кунлари Солт-Лейк-Сити, Парк-Сити, Уэбер, Солджер-Холлоу ва Саммит ҳудудларида бўлиб ўтади.
