2025 йилнинг сўнгги мусобақаси – байдарка ва каноэда эшкак эшиш бўйича Ўзбекистон кубогига старт берилади
26–28-ноябр кунлари Тошкент денгизи байдарка ва каноэда эшкак эшишнинг марафон масофалари бўйича мамлакат кубоги бўлиб ўтади.
Юртимизнинг энг маҳоратли байдарка ва каноэчилари жам бўлиб, айнан улар ушбу мураккаб ва томошабоп спорт турида ғолиб ва совриндорларни аниқлайдилар.
Уч кун давомида иштирокчилар турли йўналишларда беллашиб, узоқ масофаларни босиб ўтишади. Бу турда нафақат жисмоний тайёргарлик, балки тўғри тактика, барқарорлик, диққат ва эътибор талаб этилади. Марафон масофалари бўйича мамлакат кубоги – характер, маҳорат ва кучни тўғри тақсимлай олишни синовдан ўтказадиган мусобақадир.
Ўзбекистон кубоги спортчилар учун келгуси мавсумга тайёргарликнинг муҳим босқичи бўлиб, яна бир бор Ўзбекистон байдарка ва каноэда эшкак эшиш мактабининг юқори салоҳиятини намойиш этиш имконини беради.
