Вашингтон пойтахти шаҳар ҳокими Александр Овечкин кунини эълон қилди
Мюриэл Боузер, АҚШ пойтахти Вашингтон шаҳар ҳокими, 11 апрелни Александр Овечкин куни деб эълон қилди. Бу ҳақдаги қарор Боузернинг ижтимоий тармоқдаги саҳифасида эълон қилинди.
Қарорда шундай дейилади: «Биз, вашингтонликлар, хоккей ишқибозлари, «Буюк саккизлик соҳиби» мухлислари сифатида, Овечкинни ажойиб ютуғи билан табриклаймиз ва унинг МХЛда «Вашингтон» жамоаси сафидаги бутун фаолияти давомидаги меҳнати учун миннатдорчилик билдирамиз».
Александр Овечкин - «Вашингтон Кэпиталз» жамоасининг россиялик ҳужумчиси. 6 апрел куни «Нью-Йорк Айлендерс» (1:4)га қарши ўйинда у МХЛнинг навбатдаги рекордини ўрнатди ва мунтазам чемпионатларда 895-голини урди. Шу билан у 894 голли Уэйн Гретцкини ортида қолдирди. Ҳозирги вақтда Овечкиннинг МХЛдаги мунтазам чемпионатлардаги голлари сони 896 тани ташкил этмоқда.
