Vashington poytaxti shahar hokimi Aleksandr Ovechkin kunini e'lon qildi
Myuriel Bouzer, AQSh poytaxti Vashington shahar hokimi, 11 aprelni Aleksandr Ovechkin kuni deb e'lon qildi. Bu haqdagi qaror Bouzerning ijtimoiy tarmoqdagi sahifasida e'lon qilindi.
Qarorda shunday deyiladi: «Biz, vashingtonliklar, xokkey ishqibozlari, «Buyuk sakkizlik sohibi» muxlislari sifatida, Ovechkinni ajoyib yutug‘i bilan tabriklaymiz va uning MXLda «Vashington» jamoasi safidagi butun faoliyati davomidagi mehnati uchun minnatdorchilik bildiramiz».
Aleksandr Ovechkin - «Vashington Kepitalz» jamoasining rossiyalik hujumchisi. 6 aprel kuni «Nyu-York Aylanders» (1:4)ga qarshi o‘yinda u MXLning navbatdagi rekordini o‘rnatdi va muntazam chempionatlarda 895-golini urdi. Shu bilan u 894 golli Ueyn Gretskining ortida qoldi. Hozirgi vaqtda Ovechkinning MXLdagi muntazam chempionatlarda golari soni 896 tani tashkil etmoqda.
